नेपाली कांग्रेसको सुदूरपश्चिम सम्मेलन सोमबार सुरू हुँदैछ।
सम्मेलन उद्घाटन गर्न सभापति शेरबहादुर देउवा धनगढी पुगिसकेका छन्।
उपसभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मालगायत नेताहरू धनगढी पुगिसकेको कांग्रेसले जनाएको छ।
कांग्रेस सुदूरपश्चिमको प्रथम सम्मेलन सोमबारदेखि सुरू हुँदैछ।
कांग्रेस विधानमा हरेक कार्यसमितिले वर्षमा कम्तीमा एक पटक सम्मेलन गरी विगतको कामकारबाही समीक्षा र भविष्यको कामकारबाहीबारे छलफल गर्नुपर्ने व्यवस्था छ।
