प्रधानमन्त्री सुशीला कार्कीले निर्वाचनबारे आज दलहरूसँग छलफल गर्दैछिन्।
मंगलबार अपराह्न ४ बजे बालुवाटारमा प्रधानमन्त्री र सात राजनीतिक दलका नेताहरुबीच निर्वाचनबारे छलफल हुने तय भएको प्रधानमन्त्री कार्कीको सचिवालयले जनाएको छ।
प्रधानमन्त्री कार्कीले राष्ट्रिय मान्यता प्राप्त सात वटा राजनीतिक दललाई चिठ्ठी पठाएरै फागुन २१ गते तय भएको निर्वाचनबारे छलफल गर्न बोलाएकी थिइन्।
यस छलफलमा विघटित संसदका प्रमुख राजनीतिक दलहरू नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनमत पार्टी र जसपा नेपाल (उपेन्द्र यादव) का प्रतिनिधिहरू बोलाइएको हो।
यसअघि राष्ट्रपति रामचन्द्र पौडेल र प्रधानमन्त्री सुशीला कार्कीले दलका प्रतिनिधिहरूसँग राष्ट्रपति कार्यालयमै छलफल गरेका थिए।
फेरि प्रधानमन्त्री कार्कीले नै छलफल गर्न लागेकी हुन्।
-1746009348.jpg)
