राष्ट्रिय स्वतन्त्र पार्टी (रास्वपा) का सभापति रवि लामिछानेले पुराना राजनीतिक दललाई असक्षमता स्वीकार्न अनुरोध गरेका छन्।
सोमबार काठमाडौंको राष्ट्रिय सभा गृहमा नागरिक उन्मुक्ति पार्टीबाट रास्वपा प्रवेश गरेकाहरूसँग एकता सभा गर्दै लामिछानेले पुराना दललाई असक्षमता स्वीकार्न अनुरोध गरेका हुन्।
‘पुराना राजनीतिक दलहरू जो यदाकदा आएको परिवर्तनलाई स्वीकार्न अप्ठ्यारो मानिरहेको देखिरहेको छु। उहाँहरूलाई म विनम्रतापूर्वक भन्न चाहन्छु, स्वीकार्नुस् आफ्नो असक्षमतालाई स्वीकार्नुस्। मुलुक जरजर अवस्थामा पुगिसकेको छ,’ उनले भने।
त्यस्तै, उनले थप गइगुज्रेको बहिर्गमनको सपना नदेख्न पनि अनुरोध गरे।
‘जति तपाईंहरूले पछिल्लो समय कुशासनको चपेटामा मुलुकलाई यो अवस्थामा पुर्याउनुभयो। अब थप गएगुज्रेको बहिर्गमनको सपना नदेख्नुस्। अपदस्थताको पराकाष्ठ यस भन्दा पर नसोचिदिनुस्। निर्वाचनमा मुलुकलाई सहज रूपमा लैजान दिनुस्,’ उनले भने।
-1767607329.jpg)
-1746009348.jpg)
