नेकपा एमाले काभ्रेपलाञ्चोक जिल्ला कमिटीको सातौँ पूर्ण बैठकले आगामी प्रतिनिधिसभा निर्वाचनका लागि काभ्रे क्षेत्र नं. २ बाट गोकुल बाँस्कोटाको नाम एकल उम्मेदवारका रूपमा सिफारिस गर्ने निर्णय गरेको छ।
आज बसेको प्रतिनिधिसभा क्षेत्र नं. २ निर्वाचन क्षेत्र समन्वय कमिटीको बैठकले गोकुल बाँस्कोटालाई एकल उम्मेदवारका रूपमा सिफारिस गर्ने निर्णय गरेको हो।
क्षेत्रीय कमिटीका संयोजक कृष्णप्रसाद दाहालले उक्त निर्णय अनुसार एकल नाम जिल्ला कमिटीमा पेस गरेका थिए।
जिल्ला कमिटी बैठकले क्षेत्रीय कमिटीहरूबाट आएका सिफारिसहरूलाई अनुमोदन गर्ने निर्णय गरेको छ।
गोकुल बाँस्कोटाले एमालेको भर्खरै सम्पन्न महाधिवेशनमा अध्यक्षका ईश्वर पोखरेलको टिमबाट सचिव पदमा उम्मेदवारी दिएका थिए भने झिनो मतले पराजित भएका थिए।
त्यस्तै काभ्रेको प्रतिनिधिसभा क्षेत्र नं. १ बाट १० जनाको नाम सिफारिस गरिएको छ।
काभ्रे–१ बाट सिफारिस हुने उम्मेदवारहरूमा एमाले केन्द्रीय सदस्य अमित लामा सहित ९ जना पुरूष र महिलातर्फ नवीना लामा रहेका छन्।
यस्तै, चन्द्र लामा, रेशम लामा, राकेश लामा, टुल्कु लामा, रामहरि सुवेदी, कुलचन्द्र अधिकारी, कान्छामान तामाङ (रक्तिम) र दीपक चौलागाईं लगायतका नेताहरूको नाम सिफारिस गरिएको छ।
-1746009348.jpg)
