नेत्रविक्रम चन्द्र (विप्लव) नेतृत्वको नेकपा (माओवादी) ले दाङमा उम्मेदवारको टुंगो लगाएको छ।
आगामी २१ गते हुने प्रतिनिधिसभा सदस्य पदका लागि दाङका तीन वटै निर्वाचन क्षेत्रबाट नेकपा (माओवादी) ले तीन जना उम्मेदवारको टुंगो लगाएको हो।
नेकपा (माओवादी) ले दाङ निर्वाचन क्षेत्र नं. १ बाट पार्टीका केन्द्रीय सदस्य प्रकाश शाही, निर्वाचन क्षेत्र नं. २ बाट पार्टीको केन्द्रीय सदस्य बालकृष्ण पोखरेल (सविन) र निर्वाचन क्षेत्र नं. ३ मा पोलिटब्युरो सदस्य बलबहादुर वली (शितल) लाई उम्मेदवारका रूपमा चयन गरेको छ।
पार्टीका जिल्ला सेक्रेटरी तिलक योगीका अनुसार सोमबारको बैठकले दाङका तीन निर्वाचन क्षेत्रबाट तीन जनाको नाम मात्रै सिफारिस गरिएको बताए।
उम्मेदवारका रूपमा प्रस्तुत गरिएकामध्ये शाही अखिल (क्रान्तिकारी) का निवर्तमान केन्द्रीय अध्यक्ष पनि हुन्। सविन पार्टीका दाङ जिल्ला पूर्वइञ्चार्ज थिए। शितल भने तत्कालीन माओवादीको ‘जनयुद्ध’ कालदेखि नै भूमिगत भई राजनीतिमा सक्रिय व्यक्ति हुन्।
पार्टीका जिल्ला सेक्रेटरी योगीले निर्वाचनमा आफ्ना उम्मेदवारको पक्षमा जनलहर ल्याइने बताए।
-1746009348.jpg)
