नेपाली कम्युनिष्ट पार्टी (नेकपा) का नेता वर्षमान पुनले नेत्रविक्रम चन्द नेतृत्वको नेपाल कम्युनिस्ट पार्टी (माओवादी) सँग एकता तत्कालका लागि असम्भव भएको बताएका छन्।
मंगलवार पार्टी केन्द्रीय कार्यालयमा सञ्चारकर्मीसँग कुरा गर्दै पुनले उक्त कुरा बताएका हुन्।
‘विप्लवजीसँग केही कुरा भएको छैन। अस्ति आउनुपर्थ्यो, छुट्नुभयो। अब आउनुहुन्छ भने स्वागत छ। अहिले त्यस्तो आउने सम्भावना हामीले देखेका छैनौं तत्काललाई,’ उनले भने।
उनले चन्दसँग पार्टी एकताको लागि केही कुरा नभएको समेत बताए।
तत्कालीन नेकपा (एकीकृत समाजवादी) सँगको एकताको समयमा चन्द छुटेको भन्दै भविष्यमा आउन चाहेनेलाई स्वागत गर्ने उनको भनाइ छ।
यस्तै, नेकपा व्यवस्था र संविधान निर्माणका लागि लडेको पार्टी भएको भन्दै नयाँ पुराना कुनैपनि शक्तिसँग नडराएको जिकिर गरे।
-1746009348.jpg)
