राष्ट्रिय सभा निर्वाचनका लागि कोशी प्रदेशमा नेपाली कम्युनिष्ट पार्टी (नेकपा)को तर्फबाट तीन जनाले उम्मेदवारी पेस गरेका छन्।
बुधबार मनोनयन गर्न नेकपाको तर्फबाट कोशीमा तीन जनाले उम्मेदवारी दर्ता गराएका छन्। उम्मेदवार दर्ता गराउनेमा महिलामा नमिता न्यौपाने, दलितमा खेमराज सुन्दास र अन्यमा हेमराज घिमिरे छन्।
न्यौपाने र सुन्दास तत्कालीन माओवादीका मोरङका हुन्। घिमिरे तत्कालीन नेकपा एकीकृत समाजवादीको तर्फबाट संखुवासभाका उम्मेदवार हुन्।
यसअघि नेकपाले पनि नेकपा एमाले र कांग्रेससँग मिलेर जानेगरी छलफल अघि बढाएको थियो। तर त्यो छलफलबाट नेकपा बाहिरिएको हो।
नेकपाले राष्ट्रिय सभामा एक्लै उम्मेदवारी दिन लागेको हो।
-1756446574.jpg)
-1746009348.jpg)
