अमेरिकाले गत शनिबार भेनेजुएलामा गरेको आक्रमणमा १०० जनाको मृत्यु भएको खुलेको छ।
अमेरिकी आक्रमणको ६ दिनपछि त्यहाँका गृहमन्त्री डियोसदादो क्याबेलोले अमेरिकी हमलामा १०० जनाको मृत्यु भएको विवरण सार्वजनिक गरेका हुन्।
शनिबार १५० वटाभन्दा बढी लडाकू विमान प्रयोग गरी अमेरिकी सेनाले राजधानी कराकसमा हमला गरेको थियो।
त्यहाँ आक्रमण गरी अमेरिकाले भेनेजुएलाका राष्ट्रपति निकोलस मदुरो र उनकी श्रीमती सिलिया फ्लोरेसलाई नियन्त्रणमा लिएर न्यूयोर्क पुर्याएको थियो।
त्यतिबेला अमेरिकी सेना मदुरोको निवासमै अवतरण गरेको थियो। त्योभन्दा अगाडि अमेरिकी सेनाले मुख्य सैनिक अड्डा फोर्तुनामा बम खसालेको थियो।
प्रारम्भिक विवरणमा घटनामा ४० जना मारिएको भनिएको थियो।
बुधबार गृहमन्त्री क्याबेलोले एक सय जना मारिएको बताएका हुन्। मारिनेहरूमा धेरैजसो राष्ट्रपति मदुरोको सुरक्षामा खटिएका सुरक्षाकर्मी र गुप्तचर रहेको पनि उनले बताएका छन्।
क्युबाले आफ्नो देशबाट खटिएका ३२ जना सुरक्षाकर्मी तथा गुप्तचर अमेरिकी हमलामा मारिएको बताइसकेको छ।
त्यसो हो भने भेनेजुएलाका मात्रै कम्तिमा ६८ जना मारिएको पुष्टि हुन्छ।
अमेरिकी राष्ट्रपति डोनाल्ड ट्रम्पले सैन्य कारबाहीमा परिचालन गरिएको १५० लडाकू विमानमध्ये एउटामा क्षति पुगेको बताएको थियो। क्षति पुगेको भए पनि उक्त लडाकू विमान चल्न अवस्थामा रहेको पनि सेनाले बताएको छ।
-1756446574.jpg)
-1746009348.jpg)
