अमेरिकी राष्ट्रपति डोनाल्ड ट्रम्पले एउटा यस्तो विधेयकको समर्थन गरेका छन्, जसले रूसी तेल किन्ने देशहरूमाथि ५०० प्रतिशतसम्म भन्सार महसुल लगाउन सक्ने व्यवस्था गर्छ।
यो विधेयकले ह्वाइट हाउसलाई भारत र चीनजस्ता देशहरूमाथि दबाब सिर्जना गर्न अवसर दिनेछ, ताकि उनीहरूलाई रूसको सस्तो तेल किन्नबाट रोक्न सकियोस्।
अमेरिकी सिनेटर लिन्डसे ग्राहमका अनुसार यो कानुनले चीन, भारत र ब्राजिलजस्ता देशलाई रूसको सस्तो तेल किन्न बन्द गर्नुपर्ने दबाब दिनेछ।
ग्राहमले बुधबार एक्स (पूर्व ट्विटर) मा लेखेका छन्, 'आज राष्ट्रपति ट्रम्पसँग विभिन्न विषयमा भएको अत्यन्तै सार्थक भेटपछि उनले रूस प्रतिबन्धसम्बन्धी विधेयकलाई हरियो झन्डा दिएका छन्। यो विधेयकमा मैले सिनेटर ब्लुमेन्थल र अन्य धेरैसँग मिलेर महिनौंदेखि काम गर्दै आएको थिएँ।'
उनका अनुसार यो विधेयक यस्तो समय आएको छ, जब युक्रेनले शान्ति सम्झौता गर्न तत्परता देखाइरहेको छ, तर पुटिनले युद्ध जारी राखेका छन्।
यो विधेयकले राष्ट्रपति ट्रम्पलाई सस्तो रूसी तेल किन्ने र पुटिनको 'युद्ध मेसिन' लाई चलायमान बनाउने देशहरूलाई दण्डित गर्ने अधिकार दिनेछ।
ग्राहमलाई यो विधेयकमाथि आउँदो साता नै मतदान हुन सक्ने बताए।
यो विधेयकमा रूसी तेलको खरिद र पुनः बिक्री गर्ने देशहरूमाथि ५०० प्रतिशत भन्सार महसुल लगाउने प्रस्ताव गरिएको छ।
सिनेटको विदेश सम्बन्ध समितिका लगभग सबै सदस्यले यो विधेयकलाई समर्थन जनाएका छन्।
आइतबार एयर फोर्स वनमा ट्रम्पसँग यात्रा गरिरहेका बेला ग्राहमले आफ्नो भन्सार महसुलसम्बन्धी विधेयकबारे छलफल गरेका थिए। उनले रूस–युक्रेन युद्ध अन्त्य गर्न रूसी राष्ट्रपति भ्लादिमिर पुटिनका ग्राहकहरूमाथि दबाब दिनु अत्यावश्यक भएको बताएका थिए।
-1756446574.jpg)
-1746009348.jpg)
