नेपाली कांग्रेसका प्रचार विभाग प्रमुख मीनबहादुर विश्वकर्माले अहिलेको संकटबाट पार्टीलाई बाहिर निकाल्नुपर्ने बताएका छन्।
उनले संवाद र सहमतिबाट मतभेद अन्त्य गर्नुपर्ने बताएका हुन्।
विशेष महाधिवेशनलाई लिएर कांग्रेसमा मतभेद भइरहेको छ।
‘निषेध, नियन्त्रण, अस्वीकार वा वहिस्कार होइन, विधि विधानका धाराको सहाराले मात्र पनि होइन, मन मस्तिष्क, भावना, बुद्धि र विवेकको ऊच्चतम अभ्यासबाट छलफल, संवाद, सहमति र स्वीकारको नीति अवलम्वन गर्दै यो संकटवाट पार्टीलाई अविलम्ब बाहिर निकाल्न पार्टीका शीर्ष नेतृत्व एवं सम्बद्ध सवैमा हार्दिक अनुरोध गर्दछु,’ उनले आज दिउँसो फेसबुकमा लेखेका छन्।
साथै उनले मुलुक राजनीतिक अस्थिरता र अराजकताको भूमरीमा फसेको बेला ठूलो लोकतान्त्रिक पार्टी कांग्रेस पनि आन्तरिक मतभेद र विवादका कारण संकटमा परेको बताएका छन्। ‘यो अवस्था देश र कांग्रेस दुवैका लागि हितकर छैन र हुँदैन,’ उनले भने।
-1746009348.jpg)
