आइतबार र सोमबार हुने कांग्रेसको दोस्रो विशेष महाधिवेशनका लागि भृकुटीमण्डपमा शुक्रबारदेखि तयारी तीव्र छ।
विशेष महाधिवेशनमा सहभागी हुनका लागि विभिन्न जिल्लाबाट महाधिवेशन प्रतिनिधिहरू काठमाडौं आएका छन्।
शुक्रबार दिनभरजसो भृकुटीमण्डपमा विशेष महाधिवेशन पक्षका नेताहरुको चहलपहल थियो।
विभिन्न जिल्ला कार्यसमितिहरूले विशेष महाधिवेशनको पक्षमा विज्ञप्ती निकाल्ने क्रम पनि जारी छ।
दोस्रो महाधिवेशनको तयारी तीव्र भइरहँदा विभिन्न समितिहरू सक्रिय भइरहेका छन्।
शनिबार कांग्रेसका भ्रातृ तथा शुभेच्छुक समन्वय समितिले र्याली निकाल्ने भएको छ।
समिति संयोजक तथा कांग्रेस नेतृ प्रतिमा गौतमले शनिबार दिउँसो समितिले र्याली निकाल्ने जानकारी दिएकी छन्।
उनले दिउँसो १ बजे विशेष महाधिवेशन स्थल भृकुटीमण्डपबाट र्याली सुरू भएर बागबजार घुमेर पुनः भृकुटीमण्डपमै आएर टुंगिने बताइन्।
र्यालीमा सहभागी हुनका लागि समितिले प्रतिनिधि तथा नेता कार्यकर्ताहरूलाई आग्रह गरेको छ।
कांग्रेसको नियमित महाधिवेशन घोषित मितिमा हुन नसकेपछि महामन्त्रीद्वय गगन थापा र विश्वप्रकाश शर्माले विशेष महाधिवेशन आह्वान गरेका थिए।
विशेष महाधिवेशनको पक्षमा कांग्रेस १४ औं महाधिवेशनका ५४ प्रतिशतभन्दा बढी प्रतिनिधिहरूले हस्ताक्षर गरेका थिए।
कांग्रेसमा ४० प्रतिशत प्रतिनिधिले विशेष महाधिवेशन बोलाउन सक्ने विधानमा व्यवस्था गरिएको छ।
-1767942273.jpg)
-1746009348.jpg)
