नेपाली कांग्रेसका नेता चन्द्र भण्डारीले विशेष महाधिवेशनलाई नीतिगत मात्रै बनाउन आग्रह गरेका छन्।
शनिबार आफ्नो धारणा सार्वजनिक गर्न बत्तीसपुतलीमा आयोजित पत्रकार सम्मेलनमा नेता भण्डारीले विशेष महाधिवेशनलाई नीतिगत सम्मेलन बताउँदै संकल्प प्रस्ताव पास मात्रै गरेर जान आग्रह गरेका हुन्।
'विशेष महाधिवेशनको नाममा देशभरिबाट साथीहरू आउनुभएको छ। हामी आग्रह गर्छौं यसलाई नीतिगत सम्मेलन वा संकल्प प्रस्ताव पास गरेर जाऔं। अबको चार महिना पछि नियमित महाधिवेशनमा आउने साथीहरूलाई खुराक दिएर उत्साहित बनाएर जाऔं,' उनले भने।
उनले कुनै पनि हालतमा पार्टी विभाजन हुन नदिने पनि बताए।
'संस्थापन पक्ष; सभापति/कार्यवाहक सभापति उहाँहरूले पनि यसलाई आफ्नो हो भनेर ग्रहण गर्ने र आयोजक साथीहरूले पनि यसलाई सम्पूर्ण पार्टीको भन्ने गराउन आग्रह गर्छौ,' उनले भने।
-1746009348.jpg)
