नेपाली कांग्रेसका प्रवक्ता डा. प्रकाशशरण महतले विशेष महाधिवेशन वैधानिक र व्यवहारिक कोणबाट उचित नरहेको बताएका छन्।
शनिबार पार्टी केन्द्रीय कर्यालयमा सञ्चारकर्मीहरुसँग कुरा गर्दै पार्टीले नियमित महाधिवेशन गर्ने निर्णय गरिसकेकाले अहिले विशेष महाधिवेशन सान्दर्भिक नभएको बताएका हुन्।
‘पार्टीले एउटा निर्णय गरिसकेको छ। नियमित अधिवेशन गर्ने। नियमित अधिवेशन यो समयमा सम्पन्न गर्न नसकिने अवस्थामा संशोधित कार्यतालिका पास गरेको छ। त्यो निर्णय हामी सबैले मान्नुपर्छ। पदाधिकारी साथीहरुले त झन निर्णय कार्यान्वयन गर्न लाग्नुपर्छ। यो अवस्थामा विशेष अधिवेशनको वैधानिक, व्यवहारिक कोणबाट उचित छैन। विशेष अधिवेशनमा सहभागी हुनहुँदैन,' उनले भने।
उनले आम निर्वाचनमा पार्टीको सम्पूर्ण शक्ति केन्द्रित गर्नुपर्ने भन्दै विशेष महाधिवेशनको सन्दर्भमा तत्काल रोक्नुपर्ने बताएका हुन्।
'आम निर्वाचनमा जाने क्रममा एजेण्डा लिएर जानेबारे सोचौँ। आम कार्यकर्ताको भावनाअनुसार पार्टी चल्ने हो। यो अवस्थामा हामी विभाजित हुने होइन, एकत्रित भएर सम्पूर्ण शक्ति लगाएर आम निर्वाचनमा केन्द्रित हुनुपर्छ। नीतिगत प्रश्तावहरु केन्द्रिय समितिबाट पारित गरौं,' उनले भने।
-1746009348.jpg)
