नेपाली कम्युनिस्ट पार्टीका नेता सरल सहयात्री पौडेलले कुलमान घिसिङलाई 'घर' फर्कन आग्रह गरेका छन्।
राष्ट्रिय स्वतन्त्र पार्टी र कुलमान घिसिङबीचको एकता भंग भएपछि शनिबार फेसबुकमा सन्देश लेख्दै पौडेलले आत्मकेन्द्रित अहंकार त्यागेर पार्टीमा फर्कन आग्रह गरेका हुन्।
'अहंकार त्यागेर प्रतिबद्धतामा खडा भए तपाईलाई प्रधानमन्त्री नेपाली कम्युनिष्ट पार्टी र कमरेड प्रचण्डले नै बनाउनुहुन्छ,' उनले लेखेका छन्।
पौडेलले नेकपा संघीयता, समानुपातिक, समावेशिता एव धर्मनिरपेक्षता र गणतन्त्रको पिता भएको बताए।
'आफ्ना पिता अलिक बुढा हुनुभयो भनेर मितबालाई असली पिता ठानिहाल्नु हुन्न। आफ्नो घरको रंग पुरानो भयो भनेर छिमेकि कहाँ शरण लिन कुदिहाल्नु पनि हुँदैन। पक्कै महसुस गर्नुभो होला,' उनले भनेका छन्, ' समय दुईदिन बाँकि छ - बत्तिको चिमले आफै उज्यालो दिने होइन,विद्युत उत्पादन गर्ने पावरहाउस नेपाली कम्युनिष्ट पार्टी हो। विचार गर्नुस….।'
रास्वपाको आकस्मिक केन्द्रीय कमिटी बैठक बोलाएर सभापति रवि लामिछानेले कुलमान घिसिङ सँगको एकता जोगाउन नसकेको बताइसकेका छन्।
कुलमान घिसिङलाई पनि अध्यक्ष घोषणा गर्न पनि उज्यालो नेपाल पार्टीले केन्द्रीय समिति बैठक बोलाएको छ।
केन्द्रीय समिति बैठकपछि साँझ ६ बजे कुलमान घिसिङले पत्रकार सम्मेलन पनि राखेका छन्।
-1746009348.jpg)
