उज्यालो नेपाल पार्टीका नवनियुक्त अध्यक्ष कुलमान घिसिङले आफू राष्ट्रिय स्वतन्त्र पार्टी (रास्वपा) मा साधारण सदस्य भएर बस्न तयार हुँदा पनि सहमति हुन नसकेको बताएका छन्।
जारी पत्रकार सम्मेलनमा उनले भने, 'रास्वपाको साधारण सदस्य भएर बस्छु, केन्द्रीय समितिका साथीहरूलाई समायोजन गरौं भनेको थिएँ, तर कुरा मिलेन।'
संविधानका आधारभूत विषयमा सहमति कायम गर्न एउटा पूरक सम्झौता गरौं भन्दा पनि रास्वपासँग कुरा नमिलेको उनले बताए।
वार्ता जारी रहँदा रहँदै रास्वपाले एकतर्फी रूपमा सहमति तोडेको उनले उल्लेख गरे।
'१२ दिन अत्यन्तै पीडादायक रह्यो। यो अवधिमा उज्यालो नेपालका शुभेच्छुक साथीहरूले धेरै पीडा बेहोर्नुपरेको छ। उनीहरूले हामीलाई सहमति कार्यान्वयनको प्रक्रियामा इन्गेज गराएर ठाउँ ठाउँमा पार्टी प्रवेशका कार्यक्रम राखे,' उनले भने, 'हामी भने जेनजी आन्दोलनले जुन खालको नयाँ शक्ति चाहेको थियो, त्यसलाई सम्बोधन गर्न सकभर सहमति कार्यान्वयन होस् भन्ने चाहेका थियौं।'
आफूले रास्वपामा प्रधानमन्त्री वा पार्टी अध्यक्ष वा अन्य ठूलो पद केही नमाग्दा पनि रास्वपाले एकतर्फी रूपमा सहमति तोडेको उनले बताए।
उज्यालो नेपाल पार्टीको शनिबार बसेको केन्द्रीय समिति बैठकले कुलमान घिसिङलाई अध्यक्षका रूपमा अनुमोदन गरेको हो। त्यही बैकठले निवर्तमान अध्यक्ष अनुपकुमार उपाध्यायले व्यक्तिगत कारण देखाउँदै दिएको राजीनामा स्वीकृत गरेको छ।
'रास्वपाले एकपक्षीय रूपमा सहमति तोड्यो। अब हामी चिम चुनाव चिह्नमा भाग लिने निर्णय गरेका छौं,' जारी पत्रकार सम्मेलनमा जानकारी दिइयो।
विस्तृत आउँदै
-ink-1768048098.jpeg)
-1746009348.jpg)
