उज्यालो नेपाल पार्टीका अध्यक्ष कुलमान घिसिङले आफूले एकतामा जाँदा पार्टी सभापति र प्रधानमन्त्री मध्ये कुनै पनि पद नमागेको बताएका छन्।
शनिबार साँझ उज्यालो नेपालको पार्टी कार्यालय त्रिपुरेश्वरमा पत्रकार सम्मेलन गर्दै घिसिङले पार्टीको सभापति र प्रधानमन्त्री पद मागेको भनेर भ्रम फैलाइएको र त्यसमा सत्यता नभएको बताएका हुन्।
'बाहिर प्रधानमन्त्री र पार्टी सभापति मागियो भनेर आयो। त्यसमा सत्यता छैन,' उनले भने।
घिसिङले बरू आफू उपाध्यक्षमा पनि अत्यन्त तल्लो वरीयतामा बसेको बताए।
'म आफै पनि एउटा उपाध्यक्ष त्यो पनि वरीयता क्रममा धेरै तल रहेर पनि सहेको थिए। सहमतिको चरणमा हाम्रो साथीहरूले ठूलो डिमान्ड राखेका थिएनन्। पदको बार्गेनिङ गर्यौं भन्ने भ्रम फैलाइयो,' उनले भने।
पछिल्लो बैठकमा आफूले साधारण सदस्य भएर बस्न तयार भएको तर पार्टीका केही सदस्यहरूलाई सहभागी गराउन भनेको बताएका थिए।
पछि सहमति नभएपछि रास्वपाले एक तर्फी रूपमा एकता भंग भएको घोषणा गरेको उनले आरोप लगाए।
उज्यालो नेपाल पार्टीले १२ दिनमा धेरै क्षति ब्यहोर्नुपरेको उनले बताए।
-ink-1768048098.jpeg)
-1746009348.jpg)
