नेपाली कांग्रेसका सहमहामन्त्री फरमुल्लाह मन्सुरले महामन्त्री गगनकुमार थापाका कारण कांग्रेस कार्यकर्ताको शीर ठाडो भएको बताएका छन्।
आइतबार नेपाली कांग्रेसको विशेष महाधिवेशनमा बोल्दै उनले कार्यकर्ताको शीर ठाडो बनाउन महामन्त्री थापाको भूमिका रहेको बताए।
‘गगनकुमार थापाको भिजन र साहसको कारण आज देशभरिका कार्यकर्ताको शीर ठाडो भएको छ, ’ उनले भने, ‘साहसको साथ नेतृत्व सच्चिनका लागि उहाँ जुन दरिलो किसिमले उभिनुभयो, त्यसबाट पनि प्रभावित भएर म उहाँको साथमा उभिएको हो।’
उनले नेपाली कांग्रेसका सभापति शेरबहादुर देउवा बन्द सत्रमा आएर पार्टी एकताको सन्देश दिन पनि अनुरोध गरे।
-1746009348.jpg)
