नेपाली कांग्रेसका महामन्त्री विश्वप्रकाश शर्माले आफ्नो मन्तव्य क्रममा सहभागीहरूलाई मोबाइलको लाइट बालेर विशेष महाधिवेशनको पक्षमा समर्थन जनाउन आह्वान गरे।
महामन्त्री शर्माले जसै यो आह्वान गरे, भृकुटीमण्डपस्थित उद्घाटन सत्रका सहभागीहरूले आ-आफ्नो हातमा मोबाइल झिकेर त्यसको लाइट बाले।
हात हाता चम्किएको मोबाइलको प्रकाशले महाधिवेशन स्थल झल्झलाकार भएको थियो।
महामन्त्री शर्माले आफूले भाग लिएका कार्यक्रममध्ये उद्घाटन मन्तव्यदेखि समापनसम्म सहभागिता संख्या एकरत्ति नघटेको अनुभव पहिलो पटक गरेको बताएका छन्।
'घरमा बसेर प्रत्यक्ष प्रसारण हेरिरहनुभएकाले पनि देखिरहनुभयो होला, पहिलो भाषण सुरू हुँदादेखि अहिले रात परिसक्दा पनि यहाँ सहभागीहरू कम भएका छैनन्, उति नै देखिन्छन्,' महामन्त्री शर्माले भने।
यो सहभागिताले विशेष महाधिवेशनको पक्षमा नेपाली कांग्रेसका नेता र कार्यकर्ताहरूको समर्थन झल्किने उनले उल्लेख गरे।
रातको यो समयमा चिसोबीच पनि उत्तिकै उत्साहपूर्वक भइरहेको सहभागिताको सन्देश पार्टी सभापति र संस्थापन पक्षका अन्य नेताहरूले बुझ्नुपर्ने उनले उल्लेख गरे।
-1746009348.jpg)
