नेपाली कांग्रेसका महामन्त्री गगन थापाले भृकुटीमण्डपमा विशेष महाधिवेशन हुँदै गर्दा शीर्ष नेताहरू छलफलमा रहेको आफूले सुनेको बताएका छन्।
विशेष महाधिवेशनको उद्घाटन सत्रमा बोल्दै महामन्त्री गगन थापाले त्यो छलफलमा नेताहरूले दुइटा महामन्त्रीको विषयमा नकारात्मक कुराहरू सुनाएको हुन सक्ने पनि बताए।
'शेरबहादुर दाइ! नेताहरूले के भनिरहनुभएको होला भने यी दुइटा महामन्त्रीले नचाहिने काम गरे। दुइटा महामन्त्रीले अराजनीतिक काम गरे तपाईंलाई दुख दिइरहेका छन्। तर सम्झनुस् भदौ १८ गते दुइटा महामन्त्री तपाइँकामा थिए। भदौ २२ गते पनि तपाईंकहाँ थिए। २४ गते बिहान पनि सबैभन्दा पहिला तपाईंसँग सम्पर्क गर्ने यही दुइटा महामन्त्री थिए। भदौ २५ गते घटना भइसकेपछि सबैभन्दा पहिले वक्तव्य निकाल्न आँट गर्ने पनि यी दुइटा महामन्त्री थिएँ,' उनले भने।
देउवाको चिन्ता भएकै कारण घरमै गएर मार्गप्रशस्त गर्न आग्रह गरेको बताए।
'प्रजातन्त्रका लागि तपाईंको ठूलो योगदान छ। समय आएको छ; अब तपाईंले आराम गर्नुपर्छ, छाड्नुपर्छ मार्गप्रशस्त गर्नुपर्छ भनेका हौं,' उनले भने।
त्यसो भन्दा दुवै महामन्त्रीलाई राखेर मंसिरभित्र अधिवेशन गर्नू भनेको पनि थापाले स्मरण गराए।
'मंसिरभित्र अधिवेशन गर्नु अब मैले कार्यवाहक दिएँ ।छाडेर गएँ भन्नुभएको होइन? त्यो गएको दिन कांग्रेसमात्रै होइन बाहिरका मान्छेले पनि नेता हुनु त शेरबहादुर देउवाजस्तो भनेको होइन?,' उनले भने।
महामन्त्री शर्माले भृकुटीमण्डपको मञ्चमा बस्नेहरू देउवालाई माया गर्नेहरू रहेको पनि बताए।
'तपाईंको चिन्ता गरेर, तपाईंप्रति सम्मान नघटोस् भनेर बारम्बार भनेका हौं। दाइ तपाईं अब छाड्दिनुस्। जसले घुमी घुमी तपाईंलाई बोलाउन गए वास्तवमा ती तपाईंलाई माया गर्ने मान्छे होइनन्,' उनले भने।
-1746009348.jpg)
