नेपाली कांग्रेसको दोस्रो विशेष महाधिवेशन आइतबार काठमाडौंको भृकुटीमण्डपमा सुरू भयो।
विशेष महाधिवेशनको उद्घाटन सत्रमा कांग्रेस महामन्त्री गगन थापाले प्रमुख अतिथिका रूपमा सम्बोधन गरे।
उनले पार्टी सदस्यले मागेका कारण विशेष महाधिवेशन भएकाले कहाँ पुगेर टुङ्गिन्छ भन्ने आफूलाई थाहा नभएको बताएका छन्। उनले आफू समेत महाधिवेशन प्रतिनिधिले बोलाएको पाहुना भएको टिप्पणी गरे।
त्यस्तै थापाले कांग्रेसको विशेष महाधिवेशनको उद्घाटन सभापति शेरबहादुर देउवाले गरेको हेर्न चाहेको बताए। उनले कांग्रेस ज्यूँदो मानिसहरुको पार्टी भएको पनि बताए।
थापाले सम्बोधनमा आफू बिपी कोइराला र गणेशमान सिंहको छोरा नभए पनि उनीहरूको विचार बोकेर हिँडेको कांग्रेसको सच्चा सिपाही भएको बताएका छन्।
उनले २३ र २४ को जेनजी आन्दोलनमा नवयुवाहरूको मात्र होइन, देशभरका लाखौं लाख नागरिको आक्रोश सडकमा अभिव्यक्त भएको पनि बताए।
'राजाको छोरा राजा हुने राजतन्त्र फालेर हामीले ल्याएको गणतन्त्रमा नेपो-बेबीहरूको राज देखेर उनीहरू रिसाएका हुन्। र, आम नागरिकको त्यो रिस जेनजी आन्दोलन क्रममा सडकमा पोखिएको हो,' कांग्रेसको दोस्रो विशेष महाधिवेशनको जारी उद्घाटन सत्रमा महामन्त्री थापाले भने।
उनले अगाडि भने, 'त्यो आन्दोलनमा जनताले सरकारसँग रिस पोखेका थिए। त्यो सरकारमा को थियो? हामी थियौं। उनीहरू संसदसँग रिसाएका थिए। त्यो संसदमा को थिए? हामी थियौं। उनीहरू हामीसँग व्यक्तिगत रूपमा रिसाएका होइनन्, यहाँको भ्रष्टाचार र कुशासन देखेर रिसाएका हुन्।'
उनको सम्बोधनको पूरा भिडिओ हेर्नुस्ः
-1746009348.jpg)
