राष्ट्रिय सभा निर्वाचन अन्तर्गत कोशीमा मतदान जारी छ।
प्रदेश निर्वाचन कार्यालय परिसर विराटनगरमा बिहान ९ बजेदेखि मतदान सुरू भएकोमा ११:२० बजेसम्म प्रदेश सभाका ५२ र स्थानीय तहका १८३ जनाले मतदान गरिसकेका छन्।
कोशीमा कांग्रेस–एमाले–जसपा गठबन्धनबाट एमालेका सोमनाथ पोर्तेल दलिततर्फका उम्मेदवार छन् भने उनको प्रतिस्पर्धामा नेपाली कम्युनिष्ट पार्टीका खेम सुन्दास खडा भएका छन्।
त्यस्तै महिलातर्फ गठबन्धनको तर्फबाट एमालेकी रोशनी मेचे उम्मेदवार बनेकी छन् भने उनलाई नेकपाकी नमिता न्यौपानेले चुनौती दिएकी छन्।
कोशीमा प्रदेशसभाका ९२ सदस्यको कूल मतभार ४ हजार ८ सय ७६ छ।
त्यस्तै कोशी प्रदेशमा १३७ स्थानीय तह छन्। नगरपालिकाका मेयर–उपमेयर तथा गाउँपालिकाका अध्यक्ष–उपाध्यक्ष मतदाता हुने भएपछि स्थानीय तहका २७४ जना मतदाता हुन्। तर, कोशीका स्थानीय तहका प्रमुख र उपप्रमुख गरी ५ जनाले राजीनामा दिएर प्रतिनिधिसभा चुनाव लड्दैछन्। यसरी स्थानीय तहमा पनि मतदाता संख्या घटेर २६९ भएको छ।
राष्ट्रियसभामा स्थानीय तहका जनप्रतिनिधिको मतभार १९ हुन्छ। यसरी कोशीमा स्थानीय तहतर्फको कूल मतभार अब ५ हजार १११ कायम भएको छ।
कोशीमा अब राष्ट्रियसभाका लागि कूल मतभार ९ हजार ९ सय ८७ कायम भएको छ।
तस्बिरहरूः
-ink-1769319363.jpeg)
-ink-1769319361.jpeg)
-ink-1769319361.jpeg)
-ink-1769319362.jpeg)
-ink-1769319362.jpeg)
-ink-1769319362.jpeg)
-ink-1769319362.jpeg)
-1746009348.jpg)
