नेपाली कांग्रेसका महामन्त्री प्रदीप पौडेलले अहिलेको सरकार किसान र सुकुम्बासीका समस्याप्रति अनुदार देखिएको बताएका छन्।
रौतहटमा आयोजित कार्यक्रममा बोल्दै उनले सरकारले किसानका समस्या समाधान गर्न बजेटमा कुनै विषय नल्याएको पनि बताए।
‘यहाँका किसानहरूले अथक मेहनत गरेर देशको अर्थतन्त्रमा ठूलो योगदान पुर्याइरहेका छन्। तर विडम्बना समयमा मल र उपयुक्त बीउबिजनको अभाव हुँदा किसानले आफ्नो क्षमता र माटोको गुणस्तरअनुसार उत्पादन गर्न सकेका छैनन्,’ उनले भने।
उनले किसानका वास्तविक समस्याप्रति वर्तमान सरकार अनुदार र संवेदनहीन रहेको बताए।
‘अब जलवायु परिवर्तनको असर किसानहरूलाई पनि पर्ने देखिन्छ। राज्यले कृषकका समस्यालाई प्राथमिकतामा राखेको देखिँदैन, समग्र कृषि क्षेत्र नै धराशायी बन्दै गयो,’ उनले भने।
