सत्तारूढ राष्ट्रिय स्वतन्त्र पार्टी (रास्वपा) का सचेतक प्रकाशचन्द्र परियारले मिडिया हाउसअघि गाडी पार्किङ गरिएको घटनाप्रति लक्ष्य गर्दै 'सत्यसँग डराउनेहरूले मात्र यस्तो हर्कत' गर्ने बताएका छन्।
सोमबार कान्तिपुर, अनलाइनखबरलगायत सञ्चारमाध्यम तथा कांग्रेस सभापति गगन थापाको घर नजिकै सडकमा निजी सवारी साधन पार्किङ गरिएको थियो।
‘हिजो राजधानीमा अग्रणी सञ्चार माध्यमका मुख्य प्रवेशद्वारमै गाडीहरू पार्किङ गरेर भौतिक रूपमा आवतजावत ठप्प पारेर सञ्चार गृहलाई तर्साउने जुन कुत्सित प्रयास गरियो, यसको कडा शब्दमा भर्त्सना गर्दछु,’ उनले भने, ‘सत्यसँग डराउनेहरूले मात्र यस्तो हर्कत गर्छन्। सत्यलाई ढाकछोप गर्नु भनेको हत्केलाले सूर्य छोपेजस्तै हो।’
