सत्तारूढ राष्ट्रिय स्वतन्त्र पार्टी (रास्वपा)का सांसद सन्तोष राजवंशीले फागुन २१ गते नेपालीहरूले जिताएर पठाएको टिमले अन्तिममा भए पनि गोल गर्ने बताएका छन्।
बुधबार प्रतिनिधि सभा बैठकको शून्य समयमा बोल्दै सांसद राजवंशीले सभापति रवि लामिछाने टिम म्यानेजर र प्रधानमन्त्री बालेन शाह कप्तान रहेको जनताले जिताएर पठाएको टिमको जित निश्चित रहेको बताएका हुन्।
उनले खेलको १०/२० मिनेटसम्म गोल नभएको वा फल भएको अवस्थाले पूरै नतिजाको आकलन गर्न नमिल्ने भन्दै त्यसका लागि केही पर्खुनपर्ने बताए।
'अहिले खेलको तीन महिना मात्रै सकिएको छ। अझै ५७ महिना बाँकी छ। खेलमा १०/२० मिनेटमा कुनै गोल भयो भएन, फल भयो भएन भन्ने बित्तिकै नतिजा आउँदैन। त्यसका लागि ९० मिनेट पर्खिनुपर्छ,' उनले भने।
अहिलेको टिम क्याप्टेनले अन्तिम मिनेटमा भए पनि गोल गर्ने उनको दाबी छ।
'न अँत्तालिनुस्। फाइनल टाइममा भए पनि हाम्रा टिम क्याप्टेनले सुशासन, समृद्धि र सामाजिक न्यायको गोल ग्यारेन्टीका साथ हान्नुहुन्छ। ढुक्का हुनुस्,' उनले भने।
