प्रधानमन्त्री बालेन शाह र राप्रपा अध्यक्ष राजेन्द्र लिङ्देनसहित नेताहरूबीच आज सिंहदरबारमा भेटवार्ता भएको छ।
प्रधानमन्त्री तथा मन्त्रिपरिषद कार्यालयमा आज उनीहरूबीच कुराकानी भएको हो।
समसामयिक राजनीतिक घटनाक्रम, मुलुकको पछिल्लो अवस्था र आपसी हितका विभिन्न विषयहरूमा प्रधानमन्त्री र राप्रपा नेताहरूबीच छलफल भएको प्रधानमन्त्रीको सचिवालयले जनाएको छ।
छलफलमा राप्रपा अध्यक्ष लिङ्देनसहित वरिष्ठ उपाध्यक्ष बुद्धिमान तामाङ, प्रमुख सचेतक खुस्बु ओली पनि सहभागी छन्।
प्रधानमन्त्री शाहले यसअघि महिला उद्यमी महासंघ नेपालका पदाधिकारीहरूसँग छलफल गरेका थिए।
त्यसअघि प्रधानमन्त्री शाहले निजी क्षेत्रका प्रतिनिधिहरूसँग पनि छलफल गरेका थिए।
सरकार गठन भएको १०० दिन पुगेपछि प्रधानमन्त्री शाहले विभिन्न क्षेत्रका पदाधिकारीहरूसँगको भेटवार्तालाई बाक्लो बनाएका छन्।
-1784194030.jpg)
