सरकारले गत वैशाखमा काठमाडौं उपत्यकाका नदी किनारमा रहेका सुकुम्बासी बस्ती खाली गर्न डोजर चलाएपछि विस्थापित सुकुम्बासी र उनीहरूका सामान त्रिपुरेश्वरस्थित दशरथ रंगशालामा लगेर राखिएको थियो।
त्यसपछि सुकुम्बासीहरूलाई सरकारले अल्पकालीन व्यवस्थापन स्वरूप विभिन्न होल्डिङ सेन्टरमा लगेर राखियो।
पछिल्लो समय ती होल्डिङ सेन्टरबाट पनि सुकुम्बासीहरूलाई निकालिँदै गर्दा उनीहरूले आफ्नो घरबाट बोकेर हिँडेका सामान भने अझै रंगशालामा अलपत्र अवस्थामा छन्।
करिब साढे दुई महिनादेखि रंगशालामै छुटेका कतिपय सामान पानीले भिजेर कुहिएको रंगशालाका कर्मचारीहरूले बताएका छन्।
गृह मन्त्रालय र काठमाडौं महानगरपालिकालाई सामान सार्न आग्रह गर्दा वास्ता नगरिएको राष्ट्रिय खेलकुद परिषदका कर्मचारीको गुनासो छ।
तस्बिरहरू : नेपाल फोटो लाइब्रेरी
