नेपाली कांग्रेसका सांसद अभिषेक प्रताप साह विरूद्ध पक्राउ पुर्जी जारी भएको छ।
शाहमाथि कृष्ण नगर उद्योग वाणिज्य संघका अध्यक्ष सीताराम शर्मामाथि भएको सामूहिक आक्रमणमा संलग्न रहेको आरोप थियो।
सांसद साह र कृष्ण नगर नगरपालिकाका प्रमुख रजत प्रताप शाह सहित १५/२० जनाको समूहले आफ्नो घरमै आएर आफूमाथि कुटपिट गरेको भन्दै शर्माले दुई दिनअघि प्रहरीमा उजुरी दिएका थिए।
शर्माको उजुरीपछि प्रहरीले मुद्दा दर्ता गरेर कानुनी प्रक्रिया अघि बढाएको हो।
जिल्ला प्रहरी कार्यालय कपिलवस्तुका सूचना अधिकारी प्रहरी नायब उपरीक्षक रिपेन्द्र कुमार सिंहले साह विरूद्ध मुद्दा दर्ता भएर अदालतबाट पक्राउ पुर्जी जारी भएको बताए।
‘साहविरूद्ध पक्राउ पुर्जी जारी भएको छ, प्रहरीले पक्राउ गर्ने तयारीमा छ,’ उनले भने।
साह कपिलवस्तु क्षेत्र नंं ३ बाट नेपाली कांग्रेसबाट प्रतिनिधि सभा सदस्यमा निर्वाचित भएका हुन्।
