निर्वाचन आयोगको प्रमुख आयुक्तमा प्रस्तावित मानबहादुर कार्कीविरूद्ध संसदीय सुनुवाइ समितिमा एउटा मात्र उजुरी परेको छ।
सुनुवाइ समितिले निर्वाचन आयोगमा प्रस्तावित प्रमुख आयुक्त कार्की, आयुक्त गुरू वाग्ले र राजीव सुब्बाविरूद्ध उजुरी आह्वान गरेको थियो। तर वाग्ले र सुब्बाविरूद्ध भने कुनै उजुरी परेन।
कार्कीविरूद्ध एउटा मात्र उजुरी परेको छ।
समितिले प्राप्त गरेको अर्को उजुरीमा भने संवैधानिक नियकामा हुने नियुक्ति प्रक्रियाबारे सुझाव छ। जसमा गोलाप्रथादेखि नियुक्तिका विषयमा सुझाव प्रस्तुत गरिएको छ।
समितिले मंगलबार उजुरी खोलेर वितरण गर्ने तयारी गरेको छ। समितिले उजुरीकर्तालाई बोलाएर छलफल गर्ने प्रचलन छ।
साथै प्रस्तावित आयुक्तहरूका कार्ययोजना पनि मंगलबार नै सांसदहरूलाई वितरण गर्ने तयारी छ।
सुनुवाइको मितिसमेत मंगलबार नै तय हुनेछ।
