नेपाली कांग्रेसका सभापति गगन थापाले पार्टीलाई नयाँ र नवीकरण गर्ने समयको आह्वानलाई नेताहरूले बुझ्ने अपेक्षा रहेको बताएका छन्।
महामन्त्री गुरूराज घिमिरेले लेखेको पुस्तक विमोचन कार्यक्रममा आज बोल्दै सभापति थापाले संस्थापनइतर पक्षका नेताहरूलाई लक्ष्य गर्दै भने, ‘हामी आशा र अपेक्षा गर्छौं, पार्टीको मूर्धन्य नेताहरूबाट प्रत्यक्षरूपमा दीक्षित भएर आउनुभएका नेताहरूले समयको यो आह्वानलाई बुझ्नुहुन्छ र नेपाली कांग्रेसलाई नयाँ बनाउने, नवीकरण गर्ने यो अभियानमा एक ठाउँ जुटेर सबैलाई समेटेर लैजाने अभियानबाट आएका छन् भनेर उहाँहरूले पनि सोच्नुहुन्छ भन्ने अपेक्षा छ।’
बिपी स्मृतिमा बुधबार संस्थापन र इतर पक्षले बेग्लाबेग्लै कार्यक्रम गर्ने तयारी गरेका छन्।
कांग्रेसमा गत पुसमा भएको विशेष महाधिवेशनपछि मतभेद छ।
निवर्तमान सभापति शेरबहादुर देउवा पक्षले बिपी स्मृतिमा बेग्लै कार्यक्रमको तयारी गरेका छन्।
