प्रधानमन्त्री तथा मन्त्रिपरिषद्को कार्यालयले संघीय संसद सचिवालयबाट २० जना अधिकृतलाई काजमा तानेको छ।
विपदबाट प्रभावितहरूको उद्धार तथा राहतसम्बन्धी कार्यमा सहजीकरण गर्नका भन्दै प्रधानमन्त्री कार्यालयले सचिवालयलाई कर्मचारी पठाइदिन पत्र पठाएको थियो।
पत्र प्राप्त भएपछि संसद सचिवालयले २० जना अधिकृतलाई कार्यालयमा पठाएको हो।
संसदले पठाएका कर्मचारीहरूलाई भदौ १४ गते बिहान ९ बजे प्रधानमन्त्रीको निजी सचिवालयमा उपस्थित हुन भनिएको थियो ।
यसरी खटिाएका कर्मचारीहरुलाई अर्को आदेश नभएसम्मका लागि प्रधानमन्त्री कार्यालय अन्तर्गत खटाइएको हो।
सभामुख डोलप्रसाद अर्यालकी प्रमुख स्वकीय सचिव मुना कुँवरका अनुसार विपद्को कठिन परिस्थितिमा उद्धार, राहत तथा प्रभावित नागरिकलाई आवश्यक सहयोग पुर्याउने कार्यमा सहजीकरण गर्न संघीय संसद् सचिवालयले कर्मचारी पठाएइको हो।
