प्रधानमन्त्री बालेन शाहले प्रतिनिधि सभाको बैंठकमा भोटेकोशी बाढीमा परेर ३ हजार ९ सय १६ जना अझै सम्पर्कविहीन रहेको बताएका छन्।
बुधबार बसेको प्रतिनिधि सभाको बैंठकमा उनले भदौ १० गते आएको बाढीमा परेर ३ हजार ९१६ जना अझै सम्पर्कविहीन रहेको जानकारी दिएका हुन्।
साथसाथै, आजसम्म बाढीमा करण जोखिममा परेका ११ हजा ९ सय ९३ जनाको सकुशल उद्धार गरिएको पनि जानकारी दिएका छन्।
बाढी-पहिरोबाट प्रभावित क्षेत्रमा नेपाली सेना, नेपाल प्रहरी र सशस्त्र प्रहरी बलसहित १३ हजार ३ सयभन्दा बढी सुरक्षाकर्मी परिचालन गरिएको छ।
प्रधानमन्त्री शाहले बताएअनुसार सेना र निजी क्षेत्रका हेलिकप्टर प्रयोग गरी हालसम्म ६९ उडानमार्फत ३ सय ५१ जनाको उद्धार गरिएको हो।
हवाइ उद्धारमा गम्भीर घाइते, गर्भवती, सुत्केरी, बालबालिका, ज्येष्ठ नागरिक र शारीरिक अपांगता भएकाहरूलाई प्रथामिकतामा राखिएको छ।
'उद्धारपछि विभिन्न अस्पताल पुर्याइएका २ सय ९२ जना घाइतेमध्ये १ सय ८२ जनाडिस्चार्ज भइसकेका छन् बाँकी घाइतेहरूको उपचार जारी छ,' उनले भनेका छन्।
विस्थापित भएकाहरूका लागि नुवाकोटका १९ वटा अस्थायी आश्रयस्थलमा २ हजार ६ सय ५३ जनालाई गास-बासको व्यवस्था मिलाइएको प्रधानमन्त्री बालेनले बताएका छन्। अन्य प्रभावित ३ हजार ५ सय जनालाई स्थानीय विद्यालय तथा सामुदायिक भवनहरूमा राखिएको पनि उनले जानकारी दिएका छन्।
विपद् लगत्तै तटीय क्षेत्रमा शतर्कता अपनाउन ११ लाखभन्दा बढी मोबाइलमा एसएमएस र फोन कलमार्फत सूचना पठाइएको थियो। प्रभावित १५ वटा स्थानीय तहलाई तीन महिनाका लागि विपद् संकटग्रस्त क्षेत्र घोषणा गर्दै सरकारले राहत र पुनर्स्थापनाका काम तीव्र बनाएको उनले बताएका छन्।
सुरूङ उद्धारमा भने भित्र लेदो थुप्रिएका कारण चुनौती बनेको प्रधानमन्त्री बालेनले बताएका छन्।
-1788334994.jpg)
