नेपाली कांग्रेसका निवर्तमान सभापति शेरबहादुर देउवा समूहले बेग्लै महाधिवेशन गर्ने गरी कार्यतालिका ल्याउने तयारी गरेका छन्।
आज सम्पर्क कार्यालय चुनदेवीमा संयोजक शशांक कोइरालाको अध्यक्षतामा बसेको बैठकमा कार्यतालिका प्रस्ताव गरिएको छ, जसमा १५ औं महाधिवेशन मंसिर २१ देखि २३ गतेसम्म गर्ने उल्लेख छ।
वडा अधिवेशन असोज १५ गते, पालिका अधिवेशन असोज २० गते, प्रदेश सभा/प्रतिनिधि सभा क्षेत्रीय अधिवेशन असोज २३ गते गर्ने प्रस्ताव छ।
साथै जिल्ला अधिवेशन कात्तिक १५ गते, प्रदेश अधिवेशन मंसिर ४ गते र केन्द्रीय महाधिवेशन मंसिर २१ देखि २३ गतेसम्म गर्ने प्रस्ताव छ।
गगन थापा नेतृत्वको नेपाली कांग्रेसले भने असोज १६ देखि १९ गतेसम्म केन्द्रीय महाधिवेशन गर्ने तयारी गरेको छ।
