प्रतिपक्षी दल राष्ट्रिय प्रजातन्त्र पार्टी (राप्रपा)का संसदीय दलका नेता ज्ञानेन्द्र शाहीले सुरक्षाकर्मीको तलब बढाउन सरकारसँग आग्रह गरेका छन्।
बुधबार प्रतिनिधि सभा बैठकमा बोल्दै नेता शाहीले वपदको बेला ज्यानको परवाह नगरी खटिने सुरक्षाकर्मीको तलब र निजामति कर्मचारीको तलब एउटै नहुनुपर्ने बताएका हुन्।
'ज्यानको परवाह नगरी नागरिकको सुरक्षाका लागि अग्रपंक्तिमा खटिन्छन्। आफ्नो जीवनलाई आहुति दिएर विना अक्सिजन सुरूङमार्गमा घुसिरहेका छन्। सूचना दिँदा दिँदै बेपत्ता हुनुभएको छ। मुखले स्याबासी नदिनुस्, आजै मन्त्रिपरिषदको बैठक बसाल्नुस्, नेपालका सुरक्षाकर्मीहरूको तलब वृद्धि गर्नुस्,' उनले भने।
यति गरे मात्रै सरकारले सुरक्षाकर्मीलाई स्याबासी दिएको ठहर्ने उनले बताए।
' बढाउनुस् तलब, यति गर्नुभयो भने स्याबासी भइहाल्यो नी, मुखले र भिडिओमा स्याबासी गर्नुपर्दैन,' उनले भने।
