प्रतिपक्षी दल नेपाली कम्युनिस्ट पार्टी (नेकपा)की सांसद बलावती शर्माले बाढीपछिको उद्धारमा विदेशीहरूको सहायता नलिएको विषयमा सरकारलाई प्रश्न गरेकी छन्।
बिहीबार प्रतिनिधि सभा बैठकमा बोल्दै सांसद शर्माले बाढीलगत्तै विदेशी विज्ञ र प्राविधिकले नेपाल आएर सहयोग गर्छौं भन्दा पाँच दिनसम्म अनुमति नदिएको दाबी गरेकी हुन्
'पाँच दिन सम्म अनुमति दिइएन? अहिले सकेन भनेर किन हात ठड्ड्याइँदै छ?,' उनले भनिन्।
उनले सुरूङभित्र फसेका नागरिकहरुको उद्धार गर्ने प्रविधि छैन भन्ने प्रधानमन्त्रीको भनाइ अत्यन्त लज्जाजनक रहेको पनि बताइन्।
सांसद शर्माले जनताको पीडादायी जीवन र फेसबुक प्रचार एउटै नहुने भन्दै सरकारको ध्यानाकर्षण पनि गराइन्।
उनले खोजी तथा उद्धार र राहतका लागि सरकारले स्थानीय सरकारसँग समन्वय नगरेको पनि आरोप लगाइन्।
'मन्त्री, सांसद गएर स्थानीय निकायका पदाधिकारीलाई थर्काउने स्टन्ट गर्न र कन्टेन्ट क्रिएट गर्ने काम भयो,' उनले भनिन्, 'नेपाली सेना सुरक्षा निकायले क्षमताले भ्याएसम्म गरेको उद्धार सरहानीय छ। तर खै त सरकारले तीनै तहका स्थानीय सरकारबीच समन्वय गरेर काम गरेको ?प्रत्येक घर गौँडा थाहा भएका स्थानीय तहको सरकारलाई पूरै बाइपास गरियो।'
-1746009348.jpg)
