प्रधानमन्त्री वालेन्द्र शाह ३४ सदस्यीय सरकारी टोलीको नेतृत्व गर्दै मंसिर ६ गते भारतको राजकीय भ्रमणमा जाने भएका छन्।
परराष्ट्र मन्त्रालयले शुक्रबार पत्रकार सम्मेलन गरेर प्रधानमन्त्री शाह आइतबार मध्याह्न १ बजेर ४५ मिनेटमा नेपाल एयरलाइन्सको नियमित उडानबाट दिल्ली प्रस्थान गर्ने जनाएको छ।
'भ्रमण टोलीमा अर्थमन्त्री स्वर्णिम वाग्ले, परराष्ट्र मन्त्री शिशिर खनाल, प्रधानमन्त्रीका मुख्य सल्लाहकार कुमार बेन, राजनीतिक सल्लाहकार असिम शाह लगायतका उच्च पदस्थ अधिकारी रहेनछन्', परराष्ट्र सचिव अमृतबहादुर राईले भने, 'सरकारी भ्रमण दल ३४ सदस्यीय हुनेछ। नयाँ दिल्लीस्थित नेपाली दूतावासबाट राजदूतसहित केही अधिकारीहरू थपिनेछन्।'
प्रधानमन्त्रीसँग निजी क्षेत्रबाट ५२ सदस्यीय टोली आफ्नै खर्चमा भ्रमणमा सहभागी हुने भएको छ।
त्यस्तै निजी सञ्चार माध्यमका पत्रकारहरू पनि भ्रमण टोलीमा आफ्नै खर्चमा सहभागी हुनेछन्।
समग्रमा प्रधानमन्त्रीको भ्रमणमा एक सय जनाभन्दा धेरै सहभागी हुनेछन्।
प्रधानमन्त्री शाहले भारतीय प्रधानमन्त्री नरेन्द्र मोदीसँग मंसिर ७ गते प्रतिनिधिमण्डल स्तरीय वार्ता गर्नेछन्।
'दुई देशबीच सम्पर्क सञ्जाल विस्तार तथा उर्जासम्बन्धी परियोजना उद्घाटन गर्ने कार्यक्रम छ', राईले भने, 'व्यापार, पारवाहन, लगानी, सम्पर्क सञ्चाल र पूर्वाधार लगायतका विषयमा आर्थीक सहकार्यका विषयमा छलफल हुनेछ।'