नेकपा (एमाले) का अध्यक्ष केपी शर्मा ओलीले स्थानीय तह निर्वाचनमा विपक्षीलाई हराउने मात्र नभई ‘धोवीपाठ’ पछार्ने गरी तयारीमा जुट्न आग्रह गरेका छन्।
शुक्रबार काठमाडौंमा आयोजित राष्ट्रिय जनप्रतिनिधि भेलाललाई सम्बोधन गर्दै अध्यक्ष ओलीले अगामी स्थानीय तह निर्वाचनमा जित सुनिश्चित हुने गरी कार्यसम्पादन गर्न आग्रह गरेका हुन्।
‘यसपालिको निर्वाचनमा हामीले पछार्ने मात्रै होइन। यस पटक धोवीपाठ पछार्नुपर्छ। त्यो तयारीका साथ, त्यो आत्मविश्वासका साथ गाउँमा जाऔँ। जनतासँग टुटेको सम्बन्धलाई फेरी जोडौँ, सम्बन्ध विकास गरौँ,’ ओलीले भने।
उनले निर्वाचनलाई निष्पक्ष, पारदर्शी र धाँधलीरहित वातावरणमा सम्पन्न गर्न जनतालाई समेत साथमै लिएर अघि बढ्नुपर्ने बताए।
-न्युज एजेन्सी नेपाल