नेपाली कांग्रेसका पूर्वमहामन्त्री शशांक कोइरालाले कांग्रेस एकताबद्ध भएका खण्डमा आउँदो चुनावमा बहुमत ल्याउने बताएका छन्।
निवर्तमान सभापति शेरबहादुर देउवा पक्षको जिल्ला अधिवेशन उद्घाटन गर्दै १५ औं महाधिवेशन तयारी समिति संयोजकसमेत रहेका कोइरालाले भने, ‘आउँदो दिनमा हेर्दै जानुहोला, आउँदो चुनावपछि नेपाली कांग्रेसले बहुमतको सरकार बनाउँछ।’
पार्टीका उम्मेदवारलाई जिताउन लाग्नुपर्ने उनको भनाइ थियो। ‘जसले टिकट पाउँछ, उसलाई जिताउनुपर्छ। जतिसुकै विपक्षी मिलुन्, नेपाली कांग्रेस एक भएका खण्डमा कांग्रेसले बहुमत ल्याउँछ,’ उनले भने।
उनले निरन्तर ८० वर्षसम्म क्रियाशील रहेको कांग्रेसजस्तो पार्टी विश्वमा विरलै हुने पनि बताए।