धनुषामा दुई पक्षबीच झडप भएको छ।
शनिबार दिउँसो जनकपुर उपमहानगरपालिका-२० झन्डा चोकमा गणेशको मूर्ति विसर्जनका लागि गएको समूह र अर्को समूहबीच झडप भएको थियो।
मूर्ति विसर्जनका लागि साढे २ सयदेखि ३०० हाराहारिमा गएका मानिसहरूको समूहसँग अर्को समूहबीच विवाद भई ढुंगामुढा भएको थियो।
सशस्त्र प्रहरीका सह-प्रवक्ता डिएसपी शैलेन्द्र थापाका अनुसार दिउँसो साढे २ बजेतिर दुई पक्षबीच ढुंगामुढा हुँदा ७० जनाको संख्यामा सशस्त्र प्रहरी र नेपाल प्रहरीको टोली खटाइएको थियो।
ढुंगामुढा हुँदा एक जना घाइते भएका छन्।
साँझ परिस्थिती केही सामान्य बनेको पनि डिएसपी थापाले जानकारी दिए।
'अहिले परिस्थिति नियन्त्रणबाहिर छैन। सामान्य हुँदै गएको छ,' उनले भने।
-1746009348.jpg)
