आज राति खग्रास चन्द्रग्रहण लाग्दैछ।
नेपाल एस्ट्रोनोमिकल सोसाइटीका अध्यक्ष सुरेश भट्टराईका अनुसार राति १०:१२ बजे सुरू हुने खग्रास चन्द्रगहण सोमबार बिहान १:४१ बजेसम्म जारी रहनेछ।
खग्रास चन्द्रग्रहण हेर्न कुनै उपकरण नचाहिने तर टेलिस्कोप वा दुरविनको माध्यमले थप विस्तृतमा हेर्न सकिने उनले बताए।
आज राति १०:१२ बजे सुरू भएर भोलि बिहान ०१:४१ बजे सकिनेछ। घरको छत वा नजिकैको खुल्ला स्थानबाट हेर्न सकिने पनि उनले बताए।
उनका अनुसार राति ११:१५ बजे देखि बिहान ००:३७ बजेसम्म चन्द्रमा पृथ्वीको सघन छायाँमा रहनेछ जसलाई खग्रास समय भनिन्छ। यो बेला चन्द्रमा रातो देखिने हुनेछ। बाँकी समय पृथ्वीको छायाँले चन्द्रमालाई ढाक्दै र छोड्दै जानेछ जुन समय खण्डग्रास समय हो।
यो ग्रहण नेपालबाट देखिने विसं २०८२ को पहिलो ग्रहण हो।
यसैवर्ष आगामी फागुन शुक्ल पूर्णिमामा पनि खण्डग्रास चन्द्रग्रहण लाग्ने समितिले जनाएको छ। चन्द्रग्रहण पूर्णिमा र सूर्यग्रहण औँसी तिथिमा लाग्ने गर्छ।
सूर्यग्रहण हेर्दा सूर्यबाट आएका किरणलाई आँखाभित्र पस्न नदिन विभिन्न सावधानी अपनाइन्छ। चन्द्रग्रहण जो कोहीले पनि नाङ्गो आँखाले सजिलै हेर्न सक्छन्।
1667869353.JPG)
-1746009348.jpg)
