ऊर्जामन्त्री कुलमान घिसिङले कीर्तिपुरस्थित बर्न अस्पतालमा उपचाररत नेकपा (एकीकृत समाजवादी)का सम्मानीत नेता झलनाथ खनालकी पत्नी रविलक्ष्मी चित्रकारलाई भेटेका छन्।
शनिबार दिउँसो कीर्तिपुर पुगेर त्यहाँ ऊर्जा मन्त्री घिसिङले रविलक्ष्मी चित्रकारलाई भेटेको सम्मानीत नेता खनालका स्वकीय सचिव कृष्ण भट्टराईले जानकारी दिए।
'उहाँको स्वास्थ्य अवस्थामा केही सुधार पनि देखिएको छ। ऊर्जामन्त्रीज्यूले पनि दिउँसो आएर भेट्नुभएको थियो,' भट्टराईले सेतोपाटीसँग भने।
भदौ २४ गते प्रदर्शनकारीहरूले डल्लुस्थित झलनाथ खनालको घरमा आगजनी गरिदिएका थिए। त्यतिबेला झलनाथकी पत्नी रविलक्ष्मी घरभित्रै थिइन्।
उनलाई जलेको अवस्थामा उद्धार गरी अस्पताल लगिएको थियो।
उनको अपरेशन गरी बायाँ हातको कुहिनादेखि तल काटिएको छ।
-1758107792.jpg)
-1758342751.jpg)
-1746513231.jpg)
-1746009348.jpg)
