प्रहरी वृत्त महाराजगन्जका प्रहरीको हत्या गरेको आरोपमा एक जना पक्राउ परेका छन्।
हत्या आरोपमा प्रहरीले २६ वर्षीय युवराज क्यापछाकीलाई पक्राउ गरेको छ।
उनीमाथि कर्तव्य ज्यान कसुरमा म्याद थपेर अनुसन्धान भइरहेको जिल्ला प्रहरी परिसर काठमाडौंकी डिएसपी पूर्णिमा चन्दले जानकारी दिइन्।
भदौ २४ गते भएको प्रदर्शनको क्रममा तीन जना प्रहरीको मृत्यु भएको थियो।
महाराजगन्ज वृत्तमै कार्यरत दुई जना छन्। अर्का एक जना प्रहरी प्रभाग कोटेश्वरका हुन्।
महाराजगन्जमा प्रहरी सहायक निरीक्षक मिलन राय र प्रहरी जवान उत्तम थापाको मृत्यु भएको हो।
उनीहरूको कुटपिटबाट मृत्यु भएको थियो।
कोटेश्वरका प्रहरी सहायक हवल्दार अमृत गुरूङको पनि मृत्यु भएको थियो।
भदौ २३ र २४ गते भएको प्रदर्शनको क्रममा कुल ७४ जनाको मृत्यु भएको छ।
-ink-1720175472.jpeg)
-1746009348.jpg)
