विद्यार्थी बोकेको जिप दुर्घटना हुँदा अर्घाखाँचीमा एक जनाको मृत्यु भएको छ।
अर्घाखाँचीको भूमिका स्थान नगरपालिका वडा नम्बर १० धन चौरबाट नुवाकोट जाँदै गरेको लु २ च ५१७९ नम्बरको जिप शुक्रवार बिहान १० बजेतिर भूमिका स्थान नगरपालिका वडा नं. ७ स्थित छिर्लिंग खोला नजिकै दुर्घटनामा परेको थियो।
उक्त जिप दुर्घटनामा परि जिपका चालक भूमिका स्थान नगरपालिका वडा नंं १० धन चौरका ४५ वर्षीय रुद्रबहादुर बुढा मगरको मृत्यु भएको भूमिका स्थान नगरपालिकाका प्रमुख झविलाल थापाले जानकारी दिए।
दुर्घटनामा परी जिपमा सवार शिक्षक र विद्यार्थी गरी १६ जना घाइते छन्।
एक जना शिक्षक र दुई जना विद्यार्थी गम्भीर घाइते भएकोले उनीहरूलाई थप उपचारको लागि बुटवल पठाइएको र अन्य घाइतेहरूको जिल्ला अस्पताल सन्धिखर्कमा उपचार भइरहेको नगरप्रमुख थापाले जानकारी दिए।
थापाका अनुसार शुक्रबारदेखि सुरू हुन लागेको पालिका स्तरीय राष्ट्रपति रनिङ शिल्ड प्रतियोगितामा भाग लिन जाँदै गरेका धनचौरस्थित जनजागृति माविका विद्यार्थीहरू बोकेको जिप दुर्घटनामा परेको थियो।
उक्त प्रतियोगिता भूमिका स्थान नगरपालिका वडा नं. ८ को लम्चिस्थित राता पोखरामा हुँदै थियो।
नगर प्रमुख थापाका अनुसार प्रतियोगितामा भाग लिन जाँदै गरेका विद्यार्थी बोकेको जिप दुर्घटनामा परेपछि राष्ट्रपति रनिङ शिल्ड प्रतियोगिताका सम्पूर्ण खेलहरू स्थगित गरिएका छन्।
-1756794700.JPG)
-1746009348.jpg)
