तुलसीपुरस्थित राप्ती बबई क्याम्पसले शैक्षिक उन्नतका लागि क्याम्पसमा राष्ट्रिय सम्मेलन गर्ने तय गरेको छ।
बुधबार पत्रकार सम्मेलन आयोजना गरी क्याम्पस प्रशासनले देश तथा विदेशका शैक्षिक विज्ञलाई तुलसीपुरमा बोलाएर क्याम्पसले चैत ६ र ७ गते राष्ट्रिय सम्मेलनको आयोजना गर्न थालेको जानकारी दिएको हो।
राष्ट्रिय सम्मेलनको प्रमुख अतिथिका रूपमा विश्वविद्यालय अनुदान आयोगका अध्यक्ष प्रा.डा. देवराज अधिकारी रहने जानकारी दिइएको छ।
त्यस्तै प्रमुख वक्ताहरूको रूपमा मध्यपश्चिम विश्वविद्यायका उपकुलपति प्रा.डा.धुर्वकुमार गौतम, त्रिभुवन विश्वविद्यालयका व्यवस्थापन संकायका प्रा.डा. (डिन) महानन्द चालिसे, त्रिभुवन विश्वविद्यालयका विज्ञान तथा प्रविधि संकायका प्रा.डा. (डिन) शंकर खनाल, अशोका विश्वविद्यालय भारतका प्रा.डा. (डिन) सन्तनु चौधरी, नेपाल संस्कृत विश्वविद्यालयका प्रा.डा.(निर्देशक) सुधनकुमार पौडेल, क्यालिफोर्निया विश्वविद्यालय अमेरिकाका प्रा.डा. मोहन डाँगी र त्रिभुवन विश्वविद्यालयका पूर्व विभागीय प्रमुख अंग्रेजी विभागका प्रा.डा. कृष्णचन्द्र शर्मा रहने क्याम्पस प्रशासनले जानकारी दिएको छ।
क्याम्पसका सहायक क्याम्पस प्रमुख तथा राष्ट्रिय सम्मेलनका संयोजक सुर्यप्रशाद शर्माले सम्मेलनमा ३६ जना विभिन्न शोधपत्र प्रस्तुत गर्न निवेदन दिएको बताए।
स्नातोक्तर, एमफिल, पिएचडी गर्नेहरूले शिक्षाका हरेक विधामा अनुसन्धानन्मक पत्रहरू प्रस्तुत गर्न पाउनेछन्। त्यसका लागि क्याम्पसले अनलाइन मार्फत फर्म भर्न पाउने व्यवस्था मिलाएको छ।
यसरी पेस गरिने शोधपत्र क्याम्पसले प्रकाशन गर्ने बुलेटिन किताबमा प्रकाशन हुनेछ।
-1746009348.jpg)
