कञ्चनपुरमा वडाध्यक्षमाथि हातपात गरेको आरोपमा एक जना पत्रकार पक्राउ परेका छन्।
भिमदत्त नगरपालिका-४ महेन्द्रनगर स्थित एक होटलमा पत्रकारले वडाध्यक्ष रविन्द्र देवकोटामाथि हातपात गरेको आरोपमा एक जनालाई पक्राउ गरेको हो।
पक्राउ पर्नेमा वडा-५ की तिनतारा बस्ने ऐश्वर्या कुँवर छिन्।
उनले वडाध्यक्ष देवकोटा र कार्यपालिका सदस्य सिता देवी भण्डारीसँग वादविवाद र हातपात गरेकी थिइन्।
यसरी हातपात गरेको भिडिओ सामाजिक सञ्जालमा बाहिरिएपछि चर्को आलोचना समेत भएको छ। प्रहरीले उनलाई नियन्त्रणमा लिएर अभद्र व्यवहार गर्न नहुने कसुरमा अनुसन्धान अघि बढाएको छ।
