सरकारले सुकुम्बासीलाई स्व: व्यवस्थापन गरी होल्डिङ सेन्टर खाली गर्न थप एक हप्ता (७ दिन) समय दिएको छ।
होल्डिङ सेन्टरमा बसिरहेकाले विरोध गरेसँगै बागमती सभ्यताले शुक्रबार पुन: एक साताको समय थप गरेको हो।
अधिकार सम्पन्न बागमती सभ्यता एकीकृत विकास समितिले असार ८ गते सूचना जारी गर्दै ५ दिन भित्रमा स्व: व्यवस्थापन गरेर होल्डिङ सेन्टर खाली गर्न सूचना जारी गरेको थियो।
५ दिनको म्याद सकिनै लाग्दा सुकुम्बासीहरूको व्यवस्थापनको संवेदनशीलतालाई ध्यानमा राख्दै आगामी शुक्रबारसम्मका लागि समय थप गरिएको बागमती सभ्यताका सूचना अधिकारी टोपबहादुर बानियाँले जानकारी दिए।
'यो सुकुम्बासीहरू बसेको सबै होल्डिङ सेन्टरका लागि हो,' उनले भने।
उनका अनुसार नगरकोट, बनेपा, कीर्तिपुर, बोडे कृषि तालिम केन्द्र, खरिपाटी, बालाजुका विभिन्न होटल र इचंगुमा गरेर ३८८ परिवारलाई राखिएको छ।
उनीहरूलाई स्व: व्यवस्थापनका लागि २५ हजार र वास्तविक सुकुम्बासी तथा घरबारविहीन प्रमाणित भएका परिवारलाई स्थायी व्यवस्थापन नहुँदासम्मका लागि प्रतिमहिना १५ हजार रुपैयाँ दिनेल सरकारको निर्णय छ। सोही अनुसार स्व: व्यवस्थापन गरेर होल्डिङ सेन्टर खाली गर्न भनिएको उनी बताउँछन्।
यो पनि:
५ दिनभित्र कीर्तिपुरको होल्डिङ सेन्टर खाली गर्न अल्टिमेटम
-ink-1781498435.jpeg)
