बिदा लिएको समय अवधि सकेर पनि नफर्किएका इन्जिनियरहरूलाई सफाइ पेस गर्न पुर्वाधार विकास मन्त्रालयले सूचना जारी गरेको छ।
मंगलबार मन्त्रालयले सूचना जारी गर्दै ७ जना इन्जिनियरलाई १५ दिनभित्र सफाइ पेस गर्न सूचना आह्वान गरेको हो। यो सूचना गोरखापत्रमा प्रकाशित भएको हो।
मन्त्रालय अन्तर्गत नेपाल इन्जिनियरिङ सेवा, सिभिल इन्जिनियरिङ समूह, बिल्डिङ एन्ड आर्किटेक्ट उपसमुहको राजपत्रांकित तृतीय श्रेणीका सात जनाको नाम प्रकाशित भएको छ।
इन्जिनियरहरू सम्योग श्रेष्ठ, पुजन न्यौपाने, सृष्टि भुषाल, आस्था आचार्य, नरेश थापा र रमेशप्रसाद पौडेलले अध्ययन बिदामा गएर उक्त अध्ययन सकेर ३० दिनभित्र उपस्थित हुनुपर्नेमा नभएको उल्लेख छ।
त्यस्तै पदमेन्द्रप्रसाद श्रेष्ठले बिदा समेत स्वीकृत नगराई ९० दिनसम्म लगातार आफ्नो कार्यालयमा उपस्थित नभएको उल्लेख छ।
