काठमाडौं प्रवेशद्वारमा अवस्थित नागढुंगा–सिस्नेखोला सुरूङमार्ग र बलम्बु फ्लाइओभर सडक बत्तीको उज्यालोले रातको समयमा झलमल्ल देखिन थालेका छन्।
सुरूङमार्ग र फ्लाइओभरमा जडान गरिएका सडक बत्तीले रातको समयमा राजधानीको पश्चिमी नाका चम्किएको छ।
काठमाडौं र धादिङलाई जोड्ने नेपालको पहिलो सडक सुरूङमार्ग नागढुंगा–सिस्नेखोला सुरूङमार्ग सोमबार औपचारिक उद्घाटनपछि सञ्चालनमा आउँदैछ।
२०७६ कात्तिक ४ मा तत्कालीन प्रधानमन्त्री केपी शर्मा ओलीले शिलान्यास गरेको यो आयोजना करिब सात वर्षपछि सञ्चालनमा आउन लागेको हो।
करिब २९ अर्ब रुपैयाँ लागतमा निर्माण सम्पन्न भएको सुरूङमार्गले नागढुंगाको ट्राफिक जाम कम गर्दै काठमाडौं उपत्यकामा आवतजावतलाई सहज बनाउने अपेक्षा गरिएको छ।
मुख्य सुरूङ २.६८ किलोमिटर लामो छ भने २.५५७ किलोमिटरको छुट्टै आपतकालीन (रेस्क्यु) सुरूङ पनि निर्माण गरिएको छ।
उद्घाटनपछि पहिलो दिन आपतकालीन प्रयोजनका सवारी साधनलाई मात्र सुरूङ प्रयोग गर्न दिइनेछ। त्यसपछि चरणबद्ध रूपमा निजी तथा सार्वजनिक सवारी साधन सञ्चालनमा ल्याइने सडक विभागले जनाएको छ।
पैदलयात्री, दुई पाङ्ग्रे सवारी तथा डिजेल, पेट्रोल लगायत प्रज्वलनशील पदार्थ बोकेका सवारीलाई भने सुरूङमार्ग प्रयोग गर्न अनुमति दिइने छैन।
सुरूङमार्ग प्रयोगका लागि सरकारले शुल्कसमेत निर्धारण गरेको छ।
काठमाडौं भित्रिँदा कार तथा भ्यानले ६५ रुपैयाँ र बाहिरिँदा ६० रुपैयाँ तिर्नुपर्नेछ। मिनीबस तथा टिपरले भित्रिँदा ११५ रुपैयाँ र बाहिरिँदा ८० रुपैयाँ तिर्नुपर्नेछ।
बस तथा ट्रकका लागि भित्रिँदा २६० रुपैयाँ र बाहिरिँदा २०० रुपैयाँ शुल्क तोकिएको छ। हेभी ट्रकले भने भित्रिँदा ६०० रुपैयाँ र बाहिरिँदा २५० रुपैयाँ तिर्नुपर्ने व्यवस्था गरिएको छ।
प्रारम्भिक सम्झौताअनुसार आयोजना ४२ महिनाभित्र सम्पन्न हुनुपर्ने भए पनि कोभिड–१९ महामारी, जग्गा अधिग्रहण तथा मुआब्जा विवादलगायत कारण निर्माण कार्यमा ढिलाइ भएको थियो।
सुरूङमार्गसँगै निर्माण गरिएको बलम्बु फ्लाइओभर पनि सञ्चालनका लागि तयार भएको छ।
कलंकी–नागढुंगा सडकखण्ड अन्तर्गत थानकोट चेकपोस्ट नजिक रहेको यो फ्लाइओभरले नागढुंगा सुरूङमार्गको पहुँचमार्गलाई मुख्य सडकसँग जोड्ने काम गर्नेछ।
१२८ मिटर लामो फ्लाइओभरमा मूल सडकतर्फ २८० मिटर र पहुँचमार्गतर्फ २१० मिटर लामो र्याम्प निर्माण गरिएको छ।
फ्लाइओभर र सुरूङमार्ग दुवै क्षेत्रमा सडक बत्ती जडान गरिएपछि रातको समयमा सम्पूर्ण संरचना झिलिमिली देखिन थालेको छ।
आधुनिक प्रकाश व्यवस्था सहितको फ्लाइओभर र सुरूङमार्गले राजधानी प्रवेशद्वारको स्वरूप नै परिवर्तन गरेको छ।
सरकारले सुरूङमार्ग सञ्चालनसँगै नागढुंगा नाकामा हुने लामो ट्राफिक जाम घट्ने, यात्रा समय छोटिने र राजधानी प्रवेश गर्ने सवारीको आवागमन थप सुरक्षित तथा व्यवस्थित हुने विश्वास लिएको छ।
यो आयोजना जापान सरकारको ऋण सहायता र नेपाल सरकारको लगानीमा निर्माण गरिएको हो।
यो आयोजनामा जापानको झन्डै २२ अर्ब सहुलियत ऋण र नेपाल सरकारको ६ अर्ब रूपैयाँ लगानी छ।
तस्बिरहरू:
-1785075575.jpg)
-1785075575.jpg)
-1785075575.jpg)
-1785075574.jpg)
-1785075574.jpg)
-1785075573.jpg)
-1785075574.jpg)
-1785075573.jpg)
-1785075574.jpg)
-1785075572.jpg)
-1785075574.jpg)
-1785075574.jpg)
-1785075573.jpg)
-1785075573.jpg)
-1785075573.jpg)
-1785075572.jpg)
-1785075572.jpg)
-1785075572.jpg)
-1785075572.jpg)
सबै तस्बिर: नेपाल फोटो लाइब्रेरी
