जारी विश्वकपमा न्यूजिल्याण्डले लगातार तेश्रो खेल जितेको छ। शनिबार भएको खेलमा न्यूजिल्याण्डले अफगानिस्तानलाई ७ विकेटले सजिलै पराजित गर्यो।
टस जितेर पहिले ब्याटिङ गरेको अफगानिस्तानले ४१. १ ओभरमा सबै विकेट गुमाउँदै न्यूजिल्याण्डलाई १७३ रनको लक्ष्य दिएको थियो।
सो लक्ष्य न्यूजिल्याण्डले ३२.१ ओभरमा ३ विकेटको नोक्सानीमा हासिल गर्यो। उसको जितमा केन विलियम्सनले अविजित ७९ रन जोडे भने रोस टेलेर र कोलिन मुनरोले क्रमशः ४८ र २२ रनको योगदान दिए। मार्टिन गुप्टिल शून्यमा आउट भएको यस खेलमा टम लाथम १३ रनमा नटआउट रहे।
अफगानिस्तानका लागि अफताब आलमले ३ विकेट लिए।
यसैगरी पहिले ब्याटिङ गरेको अफगानिस्तानका लागि हशमतलुल्लाह शाहिदीले सर्वाधिक ५९ रन जोडे। यसैगरी हजरततुल्लाह जाजाईले ३४ तथा नुरअलि जद्दानले ३१ को योगदान दिए
न्यूजिल्याण्डका लागि 'म्यान अफ द म्याच' घोषित जेम्स निशमले सर्वाधिक ५ विकेट लिए। यस्तै लोकी फर्गुन्सनले ४ विकेट लिए।