मेरिलेबोन क्रिकेट क्लब (एमसिसी) को आयोजनामा हुने नेपालको बेलायत भ्रमण अन्तर्गत सन् २०२७ जुन ३ मा ऐतिहासिक लर्ड्स क्रिकेट ग्राउन्डमा नेपाल र बंगलादेशबीच पुरुष टी-२० अन्तर्राष्ट्रिय खेल आयोजना हुने भएको छ।
क्रिकेटको मक्का मानिने लर्ड्समा सोही दिन पछि मिडलसेक्सको टी-२० ब्लास्ट खेल पनि हुनेछ, जुन लर्ड्सको इतिहासमै पुरुष अन्तर्राष्ट्रिय र घरेलु टोलीको पहिलो 'डबल-हेडर' खेल हुनेछ।
नेपाल र बंगलादेशका समर्थकहरूले यो ऐतिहासिक क्षण प्रत्यक्ष टेलिभिजन मार्फत हेर्न सक्ने गरी खेलको समय मिलाइने छ।
नेपालको यो बेलायत भ्रमणका क्रममा टोलीले आयरल्यान्ड र स्कटल्यान्डसँग पनि आधिकारिक अन्तर्राष्ट्रिय सिरिज खेल्नेछ। यी खेलहरू वर्म्सले र बेकेनहमस्थित द काउन्टी ग्राउन्डमा सञ्चालन हुनेछन्।
वर्म्सले ्म ३ वटा र र बेकेनहममा २ वटा खेल हुनेछन्। भ्रमणका सम्पूर्ण खेलहरूलाई अन्तर्राष्ट्रिय क्रिकेट परिषद् (आइसिसी) ले मान्यता दिएको छ भने इङ्ग्ल्यान्ड एन्ड वेल्स क्रिकेट बोर्ड (इसिबी) ले स्वीकृति प्रदान गरेको छ।
नेपालको इङ्ग्ल्यान्ड भ्रमण तालिका:
• जुन १, २०२७ (मंगलबार): नेपाल विरुद्ध स्कटल्यान्ड – वर्म्सले (५० ओभरको खेल)
• जुन ३, २०२७ (बिहीबार): बंगलादेश विरुद्ध नेपाल – लर्ड्स (टी-२० अन्तर्राष्ट्रिय खेल)
• जुन ६, २०२७ (आइतबार): आयरल्यान्ड विरुद्ध नेपाल – वर्म्सले (५० ओभरको खेल)
• जुन ९, २०२७ (बुधबार): आयरल्यान्ड विरुद्ध नेपाल – वर्म्सले (टी-२० खेल)
• जुन ११, २०२७ (शुक्रबार): आयरल्यान्ड विरुद्ध नेपाल – बेकेनहम (टी-२० खेल)
• जुन १२, २०२७ (शनिबार): आयरल्यान्ड विरुद्ध नेपाल – बेकेनहम (टी-२० खेल)
नेपालका लागि लर्ड्स मैदानमा यो दोस्रो पुरुष टी-२० अन्तर्राष्ट्रिय खेल हुनेछ। यसअघि नेपालले सन् २०१८ मा एमसिसी र नेदरल्यान्ड्स सम्मिलित त्रिकोणात्मक शृङ्खलामा लर्ड्समा खेलेको थियो।
क्रिकेट एसोसिएसन अफ नेपाल (क्या) का अध्यक्ष चतुरबहादुर चन्दका अनुसार लर्ड्सको मैदानमा आईसीसीको पूर्ण सदस्य राष्ट्र विरुद्ध नेपालको यो पहिलो ऐतिहासिक भिडन्त हुनेछ।
अर्कोतर्फ, बंगलादेशको पुरुष टोलीका लागि लर्ड्समा यो पहिलो टी-२० अन्तर्राष्ट्रिय खेल हुनेछ। बंगलादेशको पुरुष टोलीले १७ वर्षपछि सन् २०२७ मे महिनाको अन्त्यतिर इङ्ग्ल्यान्ड विरुद्ध लर्ड्समा टेस्ट खेल पनि खेल्दैछ।
यो भ्रमण एमसिसी र क्याचबीच विगत केही वर्षदेखि कायम रहेको प्रगाढ सम्बन्धको नतिजा हो। एमसिसी फाउन्डेसले सन् २०१९ देखि नेपालको कोशी र मधेश प्रदेशमा क्रिकेट मार्फत सामाजिक रूपान्तरण, सहभागिता र नेतृत्व विकासका कार्यक्रम सञ्चालन गर्दै आएको छ।
यस्तै, एमसिसी ले क्यानसँगको सहकार्यमा नेपाल प्रिमियर लिगमा 'स्पिरिट अफ क्रिकेट अवार्ड' प्रदान गर्दै आएको छ र जारी प्रतियोगिताको समापनमा पनि यो पुरस्कार प्रदान गरिनेछ।
एमसिसी का प्रमुख कार्यकारी र सचिव रोबर्ट लसोनका अनुसार एमसिसी र क्याचबीचको सम्बन्ध भ्रमण र सहकार्य मार्फत निकै प्रगाढ भएको छ। उनले नेपालमा क्रिकेटप्रतिको असाधारण क्रेज र फ्यानलाई जोड्ने यसको क्षमता हामीले प्रत्यक्ष देखेका छौँ। हामी दुवै टोलीलाई लर्ड्समा स्वागत गर्न आतुर भएको बताएका छन्।