ब्रुनो फर्नान्डेजको उत्कृष्ट ह्याट्रिकको मद्दतले म्यानचेस्टर युनाइटेडले सिजनको खराब सुरुवातलाई उल्ट्याउँदै इप्सविच टाउनमाथि ५–२ को सानदार जित दर्ता गरेको छ। अघिल्लो हप्ता हल सिटीसँग बेहोरेको लज्जास्पद हारको पीडा भुलाउँदै माइकल क्यारिकको टोलीले ओल्ड ट्राफोर्डमा पुनरागमन जित निकालेको हो।
खेलको सुरुवात युनाइटेडका लागि सुखद रहेन। २९ औं मिनेटमा इप्सविचका लेफ डेभिसले गोल गर्दै पाहुना टोलीलाई अप्रत्याशित अग्रता दिलाए। लुका श'लाई बिट गर्दै अब्दुल फातावुले दिएको क्रसलाई डेभिसले जाली चुमाएका थिए।
तर, ४० औं मिनेटमा युनाइटेडले बराबरी गोल फर्कायो। विपक्षी खेलाडी नुनेज चिप्लिएको फाइदा उठाउँदै म्याथियस कुन्हाले मिलाइदिएको पासमा कप्तान ब्रुनो फर्नान्डेजले उत्कृष्ट गोल गरे।
दोस्रो हाफमा युनाइटेड थप आक्रामक देखियो। ५६ औं मिनेटमा ह्यारी म्यागुइरले गोल गर्दै युनाइटेडलाई २–१ को अग्रता दिलाए। यो गोलमा ह्यान्डबलको आशंका गरिए पनि भिएआरले यसलाई मान्यता दियो, जसमा इप्सविचका खेलाडीहरूले असन्तुष्टि जनाएका थिए।
त्यसको केही बेरमै इ्यागुइरको प्रहार इप्सविचका ज्याकोब ग्रिभ्सलाई लाग्दै गोलमा परिणत भयो। सो गोलमा 'ह्यान्डबल' भएको आशंकामा भीएआर चेक गरिए पनि गोलले मान्यता पायो।
त्यसको केही समयमै इप्सविचका डिफेन्डर ग्रिभ्सले पेनाल्टी बक्समा फल गरेपछि युनाइटेडले पेनाल्टी पायो। जसलाई फर्नान्डेजले गोलमा बदल्दै टोलीलाई ३–१ को स्थितिमा पुर्याए। लगत्तै ६८औँ मिनेटमा उनले व्यक्तिगत तेस्रो गोल गर्दै आफ्नो ह्याट्रिक पूरा गरे।
युनाइटेडका लागि ब्रायन एम्बुमोले पाँचौँ गोल थपे भने खेलको अन्तिम समयमा इप्सविचका चुबा अक्पमले एक सान्त्वना गोल फर्काए। झन्डै ९० हप्तापछि ओल्ड ट्राफोर्डमा पहिलो पटक मैदान उत्रिएका मार्कस रासफोर्डले खेलमा उत्कृष्ट प्रदर्शन गरे।
खेल सुरु हुनुअघि युनाइटेडले आफ्ना नयाँ खेलाडी कार्लोस बालेबालाई मैदानमा सार्वजनिक गरेको थियो, यद्यपि चोटका कारण उनले यो खेल खेल्न पाएनन्। वर्षाले प्रभावित खेलमा युनाइटेडले दोस्रो हाफमा पूर्ण नियन्त्रण जमाउँदै घरेलु दर्शकलाई उत्साहित बनाएको थियो।
